Өмірбаян

Мен, Тойғанбекова Майра Шоданқызы 1қазан 1965 жылы Алматы облысы, Кеген ауданы, Бөлексаз ауылында дүниеге келдім. 1973 жылы осы ауылдағы бірінші сыныпқа барып, 1983 жылы Бөлексаз орта мектебін бітірдім. 1984 жылы С.М.Киров атындағы Қазақ мемлекеттік университетінің дайындық факультетіне қабылданып, 1985 жылы осы аталған университеттің филология факультетіне түсіп, 1990 жылы қазақ тілі мен әдебиеті мамандығы бойынша бітіріп шықтым. 1990 жылдан бастап Әл-Фараби атындағы Қазақ ұлттық университеті, қазақ әдебиеті кафедрасының ізденушісі болдым. 2006 жылы «100102 филолог «Мағзұм Тиесовтің әдеби мұрасы» атты ғылыми тақырыбым бекітілді. Ғылыми жетекшім - ф.ғ.д. профессор Қ.Әбдезұлы. 1990 – 2006 ж.ж. № 66 орта мектепте қазақ тілі мен әдебиеті пәнінің мұғалімі. 2004 – 2016 ж.ж. әл-Фараби атындағы Қазақ ұлттық университеті шетел азаматтарына арналған дайындық факультеті, қазақ және орыс тілдері кафедрасының аға оқытушысы. 2007 – 2013 жж. әл – Фараби атындағы Қазақ ұлттық университетінің колледжінде кәсіби қазақ тілі пәнінің жоғары деңгейлі жоғары санатты оқытушысы қызметін атқардым. 2014 жылдан бастап ЖОО-ға дейінгі білім беру факультеті ЖОО-ға дейінгі дайындық кафедрасының аға оқытушысы қызметін осы уақытқа дейін атқарып келемін. Осы уақыт аралығында халықаралық, республикалық ғылыми, оқу-әдістемелік конференцияларға қатысып, баяндамалар жасадым. 2008 жылы Алматы қалалық білім департаментінің мақтау қағазымен марапатталдым. «Қазақ тілі» оқу-құралы; 2016ж, «Қазақ әдебиеті» оқу- құралы; 2017ж, «Таным мен тәрбие: егіз ұғым» әлеуметтік тәрбие ісіне арналған әдістемелік талдама құралдарының авторымын. 2017 жылы Түркияда өткен халықаралық симпозиумға қатысып, баяндама жасап, сертификаттар алдым. Бірнеше шетелдік басылымдарға мақалалар жариялап, сертификаттар берілді. Белгілі шетелдік басылым «Скопус» журналына ағылшын тілінде мақалам жариялады. Жалпы педагогтік еңбек өтілім - 27 жыл. Алматы қаласындағы Оқу орталықтарында оқушыларды Бірыңғай ұлттық тестке дайындадым. 2005 жылдан бастап жоғары деңгейдегі жоғары санатты қазақ тілі мен әдебиеті пәнінің мұғалімі деген санат тағайындалды.